सचिन

सचिनने १९८९ मध्ये पाकिस्तानविरुद्ध आपल्या आंतरराष्ट्रीय करिअरची सुरूवात केली. १६ वर्षीय सचिनच्या समोर इम्रान खान, वसीम अक्रम आणि अब्दुल कादीर सारखे खतरनाक गोलंदाज होते. याच दौ-यात सचिनला एका सामन्यात बॉल लागल्यानंतर रक्त वाहू लागलं. तर दुस-या बाजूला उभ्या असलेल्या नवज्योतसिंग सिध्दूने विचारलं पॅवेलियन जाणार का तर त्यावेळेस सचिन म्हणाला ‘ मैं खेलेगा

कसोटी क्रिकेटमध्ये शानदार कामगिरी सुरू होती. पण वन डेमध्ये अजूनही शतक करता आले नव्हते. प्रशंसकांना आणि क्रिकेट प्रेमींना माहित होते की अनुभवच माणसाला परिपक्व बनतो. त्यानुसार ७९ सामन्यानंतर सचिनने वनडेत पहिलं शतक झळकावलं. त्यानंतर वन डे सामन्यात सर्वाधिक शतके झळकवण्याचा विक्रम त्याच्याच नावावर आहे.

९०च्या दशकात सचिनचे करिअरला बहार आला होता. सचिन समोर असणार हा विचार सुद्धा गोलंदाजांना विचलीत करायचा. सचिनने चांगले झोडपल्यानंतर महान फिरकी गोलंदाज शेन वॉर्न याने कबूल केले की सचिन तेंडुलकर स्वप्नातही येऊन आपल्या गोलंदाजीचा चांगलाच समाचार घेतात.

सर डॉन ब्रॅडमन यांनी आपल्या ड्रिम टीममध्ये सचिन तेंडुलकर याला स्थान दिलं. ब्रॅडमन यांच्या टीममध्ये स्थान प्राप्त करणारा सचिन हा एकमेव भारतीय खेळाडू आहे. सचिनच्या खेळात मी स्वतःला पाहतो, असं ब्रॅडमन यांनी कबूल केलं होतं.

सचिनच्या हृदयाची चोरी केली ती गुजराती उद्योगपतीची डॉक्टर मुलगी अंजली मेहता हीने. १९९५ मध्ये त्यांचं शुभमंगल झालं. त्या सुखी दाम्पत्याला आता मुलगी सारा आणि मुलगा अर्जुन अशी दोन मुलं आहेत.

सचिनला १९९९च्या वर्ल्ड कप सुरू असताना फार मोठी वैयक्तीक हानी झाली. या दरम्यान त्याचे वडील रमेश तेंडुलकर यांचं निधन झालं. या सा-या दुःखातून तो सावरून परतला तर त्याने केनियाच्या विरुद्ध शतक झळकावले.

ऑस्ट्रेलिया सुरू असलेल्या तिरंगी मालिकेत श्रीलंकेविरुद्धच्या सामन्यात भारताच्या मास्टर ब्लास्टर सचिन तेंडुलकरने वन डे सामन्यातील १६ हजार धावांचा टप्पा गाठला. त्यावेळी वीरेंद्र सेहवाग त्याचे अभिनंदन करताना.